Ganapathyatharvashirshopanishad ..

AUM bhadraM karNebhiH shruNuyaama devaaH. bhadraM pashyemaakshabhiryajatraaH.
sthiraira~NgaistushhTuvaam sastanuubhir.h vyashemadevahitam yadaayuaH ..
swasthi no indro vruddhashravaah. swasthi naa.h. pushaa vishwaveda.h.
swasthi naastharksho.h arista nemih. swathi no brihaspatirdadhatu.h
AUM shaantiH shaantiH shaantiH ..

AUM.. namaste gaNapataye.
tvameva pratyakshaM tattvamasi.
tvameva kevalaM kartaasi.
tvameva kevalaM dhartaasi.
tvameva kevalaM hartaasi.
tvameva sarvaM khalvidaM brahmaasi.
tvaM saakshaadaatmaasi nityam.h.

R^itaM vachmi. satyaM vachmi.

ava tvaM maam.h. ava vaktaaram.h. ava shrotaaram.h.
ava daataaram.h. ava dhaataaram.h. avaanuuchaanamava shishhyam.h .
ava pashchaattaat.h. ava purastaat.h. avottaraattaat.h.
ava dakshiNaattaat.h. ava chordhvaattaat.h. avaadharaattaat.h.
sarvato maaM paahi paahi samantaat.h.

tvaM vaa~NmayastvaM chinmayaH.
tvamaanandamayastvaM brahmamayaH.
tvaM sachchidaanandaadvitiiyo.asi.
tvaM pratyakshaM brahmaasi.
tvaM j~naanamayo vij~naanamayo.asi.

sarvaM jagadidaM tvatto jaayate.
sarvaM jagadidaM tvattastishhThati.
sarvaM jagadidaM tvayi layameshhyati.
sarvaM jagadidaM tvayi pratyeti.
tvaM bhuumiraapo..nalo. nilo nabhaH.
tvaMchatvaari vaakpadaani.

tvaM guNatrayaatiitaH.
tvaM avasthatrayaatiitaH.
tvaM dehatrayaatiitaH.
tvaM kaalatrayaatiitaH.
tvaM muulaadhaarasthito.si nityam.h.
tvaM shaktitrayaatmakaH.
tvaaM yogino dhyaayanti nityam.h.
tvaM brahmaa. tvaM vishhNustvaM rudrastvamindrastvamagnistvaM
vaayustvaM suuryastvaM chandramaastvaM brahma bhuurbhuvaHsuvarom.h .

gaNaadiM puurvamuchchaarya varNaadim stadanantaram.h .
anusvaaraH parataraH. ardhendulasitam.h ..
taareNa ruddham.h. etattava manusvaruupam.h.
gakaaraH puurvaruupam.h. akaaro madhyama ruupam.h.
anusvaarashchaantyaruupam.h. binduruttararuupam.h .
naadaH sandhaanam.h. sa.mhitaa sandhiH .
saishhaa gaNeshavidyaa. gaNaka R^ishhiH
nichR^idgaayatrii chhandaH. shriimahaagaNapatirdevataa.
AUM gam.h . gaNapataye namaH .

ekadantaaya vidmahe.
vakratuNDaaya dhiimahi.
tanno dantii prachodayaat.h ..

ekadantaM chaturhastaM paashama~NkushadhaariNam.h .
abhayaM varadaM hastairbibhraaNaM muushakadhvajam.h ..
raktaM lambodaraM shuurpakarNakaM raktavaasasam.h .
raktagandhaanuliptaa~NgaM raktapushhpaiH supuujitam.h..
bhaktaanukaMpinaM devaM jagatkaaraNamachyutam.h. aavirbhuutaM cha
sR^ishhTyaadau prakR^iteH purushhaatparam.h..
evaM dhyaayati yo nityaM sa. yogii yoginaam varaH.

namo vraatapataye. namo gaNapataye namaH.
prathamapataye namaste.stu lambodaraaya ekadantaaya vighnavinaashine
shivasutaaya shrii varadamuurtaye namonamaH..

.. etadatharvashiro yodhiite sa brahmabhuuyaaya kalpate.
sa sarvavighnairna baadhyate. sa sarvataH sukhamedhate.
sa pa~nchamahaapaatakopapaatakaatpramuchyate.
saayamadhiiyaano divasakR^itaM paapam naashayati.
praataradhiiyaano raatrikR^itaM paapam naashayati.
saayaM praataH prayu~njaano.apaapo bhavati.
dharmaarthakaamamoksham cha vindati.
idamatharvasiirshhamashishhyaaya na deyam.h.
yo yadi mohaad daasyati sa paapiiyaanbhavati.
sahasraavartanaadyam yam kaamamadhiite tam tamanena saadhayet.h .

anena gaNapatimabhishi~nchati. sa vaagmii bhavati.
chaturthyaamanashna~njapati. sa vidyaavaan bhavati.
ityatharvaNavaakyam.h. brahmaadyaacharaNa.n vidyaat.h. na bibheti kadaachaneti.

yo durvaa~Nkurairyajati. sa vaishravaNopamo bhavati.
yo laajairyajati. sa yashovaan bhavati. sa medhaavaan bhavati.
yo modakasahasreNa yajati. sa vaa~nchhitaphalamavaapnoti.
yaH saajya samidbhiryajati. sa sarvam labhate. sa sarvam labhate.

ashhTau braahmaNaan samyag graahayitvaa . suuryavarchasvii bhavati.
suuryagrahe mahaanadyaaM pratimaasa.nnidhau vaa japtvaa
siddhamantro bhavati. mahaavighnaatpramuchyate. mahaadoshhaatpramuchyate.
mahaapaapatpramuchyate. sa sarvavidbhavati. sa sarvavidbhavati.
ya evam veda etyupanishhat.h..

AUM bhadraM karNebhiH shruNuyaama devaaH . bhadraM pashyemaakshabhiryajatraaH.
sthiraira~NgaistushhTuvaaM sastanuubhir vyashema devahitaM yadaayuH..
AUM shaantiH shaantiH shaantiH .. iti gaNapatyupanishhatsamaaptaa ..